श्री जोतिबा मंदिरातील श्री ज्योतिबाची मूर्ती निळसर पाषाणाची तीन फूट उंचीची असून चार हात असलेली,जानवे धारण केलेली आहे.मूर्तीच्या हातात अनुक्रमे खडग (तलवार),अमृतपात्र, त्रिशूल, डमरू आहे.मूर्तीचा पेहराव धोतर,अंगरखा,पगडी,टोप किंवा फेटा असून,नित्य वापरासाठी दागिने असतात.पोषाख दिवसातून दोन वेळा बदलला जातो.पूजेसाठी चांदीचे साहित्य वापरले जाते.श्री जोतिबाचे मुख्य वाहन घोड़ा व उपवाहन शेष आहे.कोणत्याही देवाची मूर्ती दक्षिणाभिमुख असत नाही,पण ही मूर्ती मात्र दक्षिणेकडे तोंड करून उभी आहे.श्री जोतिबाने रत्नासुराचा वध केल्यामुळे श्री-महालक्ष्मी अंबाबाईच्या मनातील भीती नाहीशी झाली म्हणून अंबाबाईने श्री जोतिबाला विनंती केली की तुमची दृष्टी सदोदित माझ्यावर असू दे.श्री जोतिबा ही विनंती मान्य करून आपले मुख अंबाबाईकडे वळवले.तेव्हापासून ते दक्षिणेकडे आहे.(इति श्री केदार विजय).श्री जोतिबा मूर्तीचा सन 1935 व 1985 साली वज्रलेप करण्यात आला होता. तशाच प्रकारचा वज्रलेप मार्च 2006 मध्येही करण्यात आला.या वज्रलेपामुळे पूर्वीचे हुबेहून रूप मूर्तीला प्राप्त झाले.श्री जोतिबा वाहन घोडा,जोतिबा देवालयाकडे असणारा घोडा म्हातारा झाला होता.वज्रलेपाच्या निमित्ताने नवा तरुण घोडा मार्च 2006 मध्ये खोदी करण्यात आला.हा घोडा पांढऱ्या शुभ रंगाचा, मानेवर झुबकेदार केस, अनेक खोडी म्हणजे सर्वगुण संपन्न असणारा हा दुर्मिळ घोडा आहे. या घोड्याचे नाव ‘आदित्य’ आहे.श्री जोतिबाचे पालखी सोहळ्याचे उंट,घोडे जून महिन्यापासून पोहाळेतील ‘घट्टी’ या ठिकाणी ठेवले जातात. डोंगरावर थंडीवान्याचे प्रमाण जास्त असते. त्यापासून प्राण्याचे संरक्षणासाठी त्यांना पोहाळ्यात ठेवले जाते.गेल्या ५०-६० वर्षापासून ही परंपरा सुरू आहे.जूनमध्ये ठेवलेले हे उंट व घोडा नवरात्र उत्सव सुरू करण्यासाठी सप्टेंबर-ऑक्टोबर महिन्यात पुन्हा डोंगरावर आणले जातात.