मंदिराचे शिखर हे खूप सुंदर आहे.आजूबाजूला जंगल असल्यामुळे बाहेरून मंदिराचा परिसर खूप सुंदर दिसतो.पावसाळ्यामध्ये हे मंदिर अधिकच खुलून दिसते.जुगाईची मूर्ती ही चतुर्भुज असूर्मर्दिनी असून देवीच्या उजव्या हातात तलवार शुल तर डाव्या हातात असुर शिर व ढाल दिसून येते मूर्तीची उंची साधारण दीड ते दोन फूट पाषाणामध्ये आहे.देवीच्या शेजारीच देवीची पितळेची उत्सव मूर्ती आहे.देवीच्या पाठीमागे चांदीची प्रभावळ आहे.देवीचे शेजारी पितळेचे तीन टाक आहेत.देवीला खण व नारळ याची ओटी दिली जाते.मुख्य मंदिराच्या प्रदक्षिना मध्ये साधारण दीड फुटी उंचीच्या पाच ते सहा मुर्ती आहेत.भग्न झाल्यामुळे या मुर्त्यांची वैशिष्टे कळत नाहीत.जुगाई देवीची एक कथा सांगितले जाते कोकणातून जोगेश्वरी देवी ज्यावेळी अंबेजोगाई जात असते त्यावेळी वेळूच्या बनात विश्रांतीसाठी थांबते.हे वेळूचे बन म्हणजेच सध्या असलेली यळवन जुगाई देवी.पौर्णिमेला देवीचा मोठा उत्सव असतो जोतिबाची पालखी जेव्हा सदरेवर विराजमान होते तेव्हा रात्री 12 वाजता जुगाई देवी छबिण्याला निघते.तेव्हा सोणूर्ले मान व इतर गावातील सासनकाठी पालखी समोर नाचवत मान मिरवत असतात.ह्या सासन काठ्या आपल्या गावी परतल्यावर त्या गावी परत देवीची यात्रा भरवून प्रसाद वाटप करत असतात.अनेक ब्राह्मण कुटूंबीय अंबेजोगाई योगेश्वरी जाता येत नसेल तर येळवन जुगाई ला जाऊन मनोभावे दर्शन घेऊन येतात.