यात्रेच्या मुख्य दिवशी पहाटे गुरव समाज व ग्रामस्थांच्या वतीने देवीला अभिषेक घातला जातो.पूजा झाल्यानंतर साधारन सकाळी १० वाजता सड्यावरच्या भैरीला बकऱ्याचा बळी देण्यात येतो.दुपारी १२ वाजता दुर्गमानवाड येथून पालखी सड्यावरच्या भैरीला जाते.दुर्गमानवाड परिसरातील सर्व ग्रामस्थ व बलुतेदार नैवेद्य दाखवून प्रसादाचा लाभ घेतात यानंतर सायंकाळी ५ वाजता पालखी सड्यावरून खाली मंदिरात येते.यानंतर यात्रेची सांगता होते.

     नवरात्र उत्सवात अनेक भाविक श्री विठ्ठलाई देवीच्या दर्शनासाठी येतात तसेच दर मंगळवारी व शुक्रवारी मंदिरात भावीक येत असतात.राधानगरी परिसरात असलेल्या या मंदिराला अवश्य भेट द्यावी व येथील परिसर सुशोभित ठेवावा ही विनंती.