नाथा गोळे तालीम मंडळ दरवर्षी गणेशोत्सव मोठ्या थाटात साजरा करणारे मंडळ आहे. महाराष्ट्रातील एकमेवच अशी 57 किलो चांदीची बालाजी रूपातील श्री गणेश मूर्ती 1995 साली तालमीचे तत्कालीन अध्यक्ष श्री प्रल्हाद भाऊसो चव्हाण हे कोल्हापूर महानगरपालिका महापौर पदी विराजमान झाले वर सर्व कार्यकर्त्यांनी स्वखर्चातून 57 किलो चांदीची कायमस्वरूपी मूर्तीची स्थापना केली आहे. दरवर्षी गणेशोत्सवाचा देखावा अवाढव्य स्वरूपात न्यू महाद्वार रोड, लाड चौक या ठिकाणी उभा केला जातो .श्रींच्या चांदीच्या मूर्ती सोबत दरवर्षी एका उत्सव मूर्ती ची स्थापना केली जाते. डॉल्बीला फाटा देत पारंपारिक वाद्यां सह पालखीतून मिरवणुकीची परंपरा आजही सर्व कार्यकर्त्यांनी जोपासली आहे .विसर्जन मिरवणुकीत कार्यकर्त्यांसोबत महिलांचाही सहभाग उल्लेखनीय असतो. गणेशोत्सवा सोबतच नवरात्र उत्सव, मोहरम, शिवजयंती , त्र्यंबोली यात्रा असे अनेक सण तालीम मोठ्या थाटात साजरी करते. नवरात्र उत्सवामध्ये विविध कार्यक्रम आयोजित केले जातात महिलांसाठी कुंकुमार्चन सोहळा , रक्तदान शिबिर, भजन, संगीत खुर्ची, रांगोळी स्पर्धा असे विविध कार्यक्रम आठ दिवसांमध्ये आयोजित केले जातात. पुरोगामी कोल्हापुरातील पुरोगामी तालीम म्हणून नाथा गोळे तालमीची आज तागायत ओळख तशीच अखंड टिकून आहे.