कोल्हापूर हे प्राचीन ऐतिहासिक संस्कृतीचा वारसा जपणारे शहर आहे.राजा भोज ( दुसरा ) याची कसबा बीड हि राजधानी होती,यामुळे कसबा बीड या गावात अजूनही शेताची काम करताना भोज काळातील मुद्रा सापडतात.तसेच अनेक विरगळी व सतीशीला आज हि सापडतात.कसबा बीड येथे प्राचीन महादेव मंदिर आहे.कसबा बीड मध्ये अनेक विरगळ सुव्यस्थित आहेत याचे योग्य संवर्धन व्हावे यासाठी कोल्हापुरातील शिवशक्ती प्रतिष्ठान हि संस्था व कसबा बीड ग्रामस्थांच्या वतीने महाराष्ट्र राज्यातील पहिले विरगळ स्मारक या महादेव मंदिरच्या आवारात केले आहे.सदरच्या विरगळ व्यवस्थित राहाव्यात यासाठी पत्राचे शेड व लाईट ची सोय करण्यात आली आहे.