राधानगरी परिसरावर राजर्षी शाहू महाराजांचे शिकारीच्या निमित्ताने सारखे येण जाण असेे. राधानगरी धरणाच्या निर्मिती संकल्पनेनंतर या परिसराला शाहूंचा प्रदीर्घ सहवास लाभला.त्यातूनच पुढे राधानगरी शहराची निर्मिती झाली.राधानगरीपासून धरणाकडे जाणा-या मार्गावर दोन कि.मी अंतरावर शाहू महाराजांच्या काळात या ऐतिहासिक हत्तीमहालाची निर्मिती झाली. हत्तीमहाल म्हणजे हत्ती ठेवण्याची किंवा खेळण्याची साठमारी. एकमेकांशी काटकोनात असणा-या भव्य दोन इमारती आणि प्रत्येक कोप-यातील प्रवेश कामानीने एकमेकांशी जोडला गेल्याने आतील बाजूस भव्य चौक असे या इमारतीचे वर्णन आहे.