संस्थान काळातील अनघड असा हा शिवाजी पूल आहे.त्यासाठी पाषाण शिळांचा वापर केला गेला.शिवाजी पुलाच्या उभारणीत वडार, पाथरवट, गवंडी व स्थापतींनी कमानींचा प्रत्येक की-स्टोनवजा पाषाण घडवताना,त्याची अॕक्युरेसी राखलेली पाहता येते.या कमानीखालून जाताना थक्क व्हायला होते. नॅनो-स्केलपेक्षा कमी फरकाने, त्याचा आस घडवताना त्यांच्या कौशल्याची व मेहनतीची दाद द्यावी वाटते.प्रचंड अर्धगोलाकृती व्हेनेशियन कमानी नसूनही,त्या बसक्या दीर्घ वर्तुळाकृती आहेत.इतक्या वर्षांच्या कालावधीत त्यांची प्लेसमेंट तसूभरही बदलली नाही की सांधमोड हलली नाही.याशिवाय चार कोपऱ्यात रोमन अल्कोव्ह उभारुन,त्याला टस्कन स्तंभाने मढवून हे एका अर्थाने तोरणच सुशोभित केले गेले आहे.या पुलाच्या कमानी वर दगडी माशाची एक जोडी कोरली आहे.पावसाळ्यात ज्यावेळी पुराचे पाणी या माशाला लागते त्यावेळी मच्छिन्द्री झाली असे म्हणले जाते.त्यावेळी कोल्हापुर मधील अनेक जन पुराचे पाणी पाहायला बाहेर पडतात.नवीन पूल बांधल्यामुळे सध्या हा पूल वाहतुकीसाठी बंद आहे.