लेख शार्दूलविक्रीडित वृत्तामध्ये आहे.अज्ञात कारणांमुळे ही शिला चार तुकड्यांमध्ये दुभंगलेली असून ती नंतर जोडण्यात आली आहे.या शिलालेखावर लिहिलेल्या मजकुराचा भावार्थ असा आहे : ओम श्री पृथ्वीधर राजचिन्ह धारण करणाऱ्या राजाने आपल्या हालिदेवी नावाच्या अभूत अशा चारित्र्यवान पत्नीचे, जी आपल्या पतीचे जणू हृदयच होती - आपले पुण्य नाव रक्षण करीत तरुणपणीच स्वर्गात गेली, तिच्या स्मरणार्थ आपल्या उत्कट 'भावना व्यक्त करण्याकरिता राजाने स्वतः ही स्मारकशिला विधिपूर्वक स्थापन केली.गगनबावडा परिसरात राज्य करणाया चालुक्य वंशातील मंगलेश या रांजाने आपली प्रिय पत्नी हालिदेवी हिच्या स्मरणार्थ स्थापन केलेली स्मारकशिला ही या दाम्पत्याच्या अतूट प्रेमाचे दर्शन आपणाला घडवते.या स्मारकावरील शिलालेख आणि त्यावरील शिल्प यातून त्या काळात स्त्रियांनाही समाजात किती मान दिला जात होता, हे स्पष्ट होते आणि सहाव्या शतकात होऊन गेलेल्या या राजा-राणीच्या दिव्य प्रेमकथेसमोर आपण नतमस्तक होतो.ही स्मारकशिला या गावामध्ये सती सांगसाई म्हणून ओळखतात.तसेच ती गावची रक्षणकर्ती आहे अशी येथील सर्वांची श्रद्धा आहे.