मोरजाई देवीची मूर्ती ही चतुर्भुज आहे,देवीची मूर्तीची उंची साधारण तीन ते साडेतीन फूट उंच आहे.देवी मोरावर बसलेली आहे.देवीच्या उजव्या वरच्या हातात त्रिशूल तर डाव्या वरच्या हातात वाटी आहे.देवीची मुर्ती नव्याने स्थापित केली आहे.जुनी मुर्ती ही 16 हातांची होती असे अभ्यासक सांगतात.रथसप्तमी दिवशी देवीचा उत्सव असतो.मोठ्या प्रमाणात भाविक या पठारावर दाखल होतात.देवीचा नैवेद्य गोडा आहे.देवीचे शिखर गुहेच्या वर बांधून काढलेला आपल्याला दिसून येतो.मंदिरातून बाहेर आल्यानंतर दोन छोटी देवळे दिसुन येतात.पहिल्या देवळीत श्री हनुमानाची नमस्कार मुद्रेत मुर्ती दिसते,साधारन एक फुट उंचीची ही मुर्ती आहे.तर दुसर्या देवळीत साधिकेची मुर्ती आहे.गुहेच्या कोपर्यात 6 इंच इतकी श्री गणेशाची मुर्ती आहे.
मोरजाई ही अनेक मराठा कुटूंबाची कुलदेवता आहे.पठारावर अनेक दुर्मिळ वनस्पती आहेत अनेक वैद्य आजही या ठिकाणाला भेट देतात यामुळे मोरजाई देवीला आरोग्य देणारी देवता म्हणून संबोधले जाते.मोरजाई देवी ही पठारावर आहे याबरोबर तुमजाई व वाघजाई देवींचे स्थान पठारावर आहे यामुळे या तिनी देवतांचे त्रिकूट आपल्याला पहायला मिळेल.
देवीच्या मंदिराच्या समोर अनेक सतीशिळा आहेत.साधारन 40 ते 45 इतक्या सतीशिळा व दोन ते तीन वीरगळ आहेत.तसेच पहिल्या गुहेतून बाहेर आल्यानंतर शेजारी दुसरी गुहा आहे त्या गुहेत सात सतीशिळा आहेत तर तिसऱ्या गुहे मध्ये चार मूर्ती आहेत.युद्धात कामी आलेल्या विरांसाठी,गोरक्षण करताना धारातिर्थी पडलेल्या विरांची स्मारके म्हणजेच विरगळ होय.तसेच जुन्या काळी पतीच्या निधनांतर सती जाण्याची म्हणजेेच जिवंतपणी अग्नीदाह करवून घेण्याची प्रथा होती.त्या स्त्री च्या आठवणी रहाव्यात या साठी सतिशिळा घडविल्या गेल्या.
नवरात्र उत्सवात अनेक भाविक येथे मोठ्या प्रमाणामध्ये मंदिरात भेट देतात तसेच दर मंगळवारी व शुक्रवारी या मंदिरात भावीक येत असतात.गगनबावडा परिसरात असलेल्या या मंदिराला अवश्य भेट द्यावी व येथील परिसर सुशोभित ठेवावा ही विनंती.
🛵 कसे जाल ? 🚗
कोल्हापूर – बालींगे – कोपर्डे – कळे – असळज – सांगशी – बोरबेट
स्थळांना भेट देण्यापूर्वी हे लक्षात असू द्या
Keep This In Mind Before Visit Places
