ही वास्तू म्हणजे कोल्हापूरच्या आरोग्य सेवेचा १३३ वर्षांचा जिवंत वारसा आहे.या इस्पितळाचं आताच नाव छत्रपती प्रमिलाराजे इस्पितळ.छत्रपती शहाजीराजे यांच्या या पत्नी व सध्याचे श्रीमंत शाहू छत्रपती यांच्या त्या आई.इस्पितळाचे मूळ नाव किंग एडवर्ड मेमोरियल हॉस्पिटल.इंग्रज साहेबाचे नाव लोकांना म्हणायला यायचं नाही म्हणून लोक या दवाखान्याला मोठा म्हणजे थोरला दवाखाना म्हणू लागले.नंतर या इस्पितळाला प्रमिलाराजेंचे नाव देण्यात आले पण ते शॉर्टकटच्या जमान्यात सीपीआर झाले.ही वास्तू १३३ वर्षांपूर्वीची आहे.गॉथिक शैलीतली दगडी बांधकामाची हि इमारत आहे.ज्याने नवीन राजवाडा बांधला ( न्यू पॅलेस ) त्याच मेजर चार्ल्स माँट या स्थापत्यकाराने ही वास्तूही बांधनी केली आणि बांधकाम खर्चाचे जे बजेट धरले होते त्यापेक्षा चक्क २२७ रुपये कमी खर्चात ही वास्तू बांधून पूर्ण झाली.आज सीपीआर मध्यवर्ती ठिकाणी आहे,पण १८८१ साली हे ठिकाण म्हणजे गावाचं टोक.येथील परिसराला चौफाळ्याचा माळ म्हणूनच ओळखले जायचे