करवीर क्षेत्रास दक्षिण काशी असे म्हणले जाते.करवीर क्षेत्री सर्व देवतांची प्राचिन स्थाने आहेत.करवीर तालूक्यातील गोकुळ शिरगाव गावामध्ये प्राचिन श्रीकृष्णाचे मंदिर आहे.प्रतिवर्षी मार्गशीर्ष महिन्यातील अमावास्येला या मंदिरात मोठी यात्रा भरते.कोल्हापूर येथील श्री गोकूळ शिरगाव येथील तीर्थांचे महात्म्य “करवीर महात्म्य” ग्रंथामध्ये ४३ व्या अध्यायामध्ये ओवीबद्ध पद्धतीने केले आहे.या धार्मिक स्थळाचा “प्रति गोकुळ” म्हणून उल्लेख झाला आहे.याठिकाणी भगवंताच्या बाललीला शिळा स्वरुपात आजही अस्तित्त्वात आहेत.
गोकुळ शिरगावची विशाळी यात्रा कोल्हापूर जिल्ह्यात प्रसिद्ध आहे.श्री कृष्णाचे प्राचिन मंदिर दहाव्या शतकातील आहे.स्थानिक बेसाल्ट दगडामध्ये याची बांधनी झाली आहे.मंदिराचा परिसर भव्य आहे.मंदिरामध्ये श्री कृष्णाची साधरन 2 फुट उंचीची मुर्ती आहे.व गोकुळेेश्वराचे लिंग स्थान आहे.श्री कृष्णाच्या मंदिरासमोर श्री विठ्ठल रूक्मिणी ची मुर्ती आहे.या मंदिरात शिवलिंग आहे.मंदिराच्या प्रवेशद्वारामध्ये नंदी आहे.मंदिराच्या पाठीमागच्या बाजूस पाण्याचा स्त्रोत असुुन करवीर महात्म्य या ग्रंथामध्ये यमुना नदी असा उल्लेख आढळून येतो.मंदिराच्या पाठीमागच्या बाजूस खडाकावर श्री कृष्णाचे पदचिन्ह आहेत.
यात्रेच्या दिवशी पहाटे अभिषेक,पूजा,काकड आरती,भजन, कीर्तन असे धार्मिक कार्यक्रम होतात.कर्नाटकातील कोगनोळीसह कोल्हापुरातील मंगळवार पेठेतील भक्त दिंडीने या यात्रेसाठी येतात.यानिमित्ताने दिवसभर महाप्रसादाचे वाटप केले जाते.श्रीकृष्ण मंदिराच्या जीर्णोद्धाराचे काम गेल्या अनेक वर्षांपासून सुरू असून,येथे ग्रामपंचायत व ग्रामस्थांच्यावतीने देखरेख केली जाते.सध्या या मंदिराला “क” वर्ग दर्जा आहे.आज जरी गोकुळ शिरगाव ही औद्योगिक वसाहत जरी असली तरी या ठिकाणाचे प्राचिन अस्तित्व आजपर्यत टिकून आहे.
🛵 कसे जाल ? 🚗
स्थळांना भेट देण्यापूर्वी हे लक्षात असू द्या
Keep This In Mind Before Visit Places
