सध्या जिथे वडणगे गाव आहे त्याच्या मुख्य चौकांमध्ये आपल्याला श्री पार्वती देवीचे मंदिर आहे.मंदिरात प्रवेश करताच भव्य अशी प्रवेशद्वार आपल्याला दिसते.मंदिराला प्रवेश करण्यासाठी तीन द्वार आहेत,त्यामध्ये पुरुष व स्त्री यांची स्वतंत्र व या दोन द्वारांच्या मध्ये एक मोठे द्वार आहे.सध्या याद्वारा मधूनच भाविक प्रवेश करतात.स्थानिक बेसॉल्ट खडकामध्ये कमान आहे.कमानी मध्ये सुंदर अशी कलाकुसर आहे.कमानीमध्ये आपल्याला गणेशाची मूर्ती दिसून येते.प्रवेश द्वारा मधून आत गेल्यानंतर आपल्याला भव्य असा सभामंडप दिसून येतो,सभामंडपाच्या दोन्ही बाजूस आपल्याला जुने कोरीव दगडी खांब दिसून येतात. सध्या या खांबावर जुने बांधकाम आपल्याला दिसून येत नाही.डाव्या बाजूच्या खांबा मध्ये आपल्याला कासवामध्ये कोरलेल्या दोन पादुकांचे दर्शन होते.मुख्य गाभाऱ्यामध्ये देवीचा दीड फूट तांदळा आहे.याच तांदळ्या वर देवीची पूजा बांधण्यात येते.देवीचे हे मंदिर बेसॉल्ट खडकामध्ये बांधलेले आहे.या मंदिराच्या प्रदक्षिणा मार्गावर दुर्गा-सप्तशती या ग्रंथांमधील वर्णन केलेल्या अनेक देवींचे शिल्प आपल्याला पाहायला मिळेल यामध्ये शैलपुत्री,ब्रह्मचारिणी,कुष्मांडा,कात्यायणी,स्कंदमाता,चंद्रघंटा,

कालरात्री,महागौरी,दुर्गामाताअशा विविध देवतांच्या मूर्ती आपल्याला पाहायला मिळतात.शारदीय नवरात्र,महाशिवरात्र,प्रत्येक

सोमवार या दिवशी मोठ्या प्रमाणामध्ये येथे भाविक दर्शनासाठी येत असतात.मंदिराच्या बाहेर आपल्याला चार ओवरया पाहायला मिळतात.पुण्यश्लोक अहिल्याबाई होळकर यांनी या मंदिराचा जीर्णोद्धार केला आहे.त्यानंतर काही वर्षापूर्वी

ग्रामस्थाच्यावतीने नव्याने मंदिराची उभारणी झाली आहे.मंदिरासमोर सुंदर दगडी दीपमाळ आहे.