दुसर्या दिवशी संध्याकाळी निशाण व पालखी प्रदक्षिणा सोहळा होतो.तोफ उडल्यानंतर निरोपाचे विडे घेवुन निशाण परतीचा प्रवास सुरू करते.यावेळी संपूर्ण जोतिबा डोंगरावरील गुरव समाज निरोप देण्यासाठी उपस्थित असतो.याच राञी निशाण डोंगर उतरूनृ मुक्काम ठिकाणी पोचते.परतीचा मार्ग जोतिबा डोंगर – ऐतवडे – कासेगांव – कराड – उंब्रज – वडगाव – पाली – गणेशवाडी – पाडळी असा तीन दिवसांचा असतो.जाताना व येताना ज्या गावात सासन थांबते तीथे छोटी याञा भरते.सासनकाठी जोतीबाकडे मार्गस्थ होताना व माघारी येत असताना रस्त्यात ठिकठिकाणी गावोगावी दर्शनासाठी मोठी गर्दी होते.सुवासिनी महिला निशानास ओवाळण्यास येतात,भाविक मंडळी निशाणास विविध आकर्षक हार,पाच नारळाचे तोरण,नोटांच्या माळा बांधतात.या ठिकाणी छबीना,आरती व अन्नदानाचे नियोजन हे गावकरी मोठ्या आनंदाने व भक्तिने करतात.तीन दिवसांचा प्रवास करून हे निशाण ज्या दिवशी पाडळी गावात पोचते त्या दिवशीच पाडळी गावची याञा असते.यावेळी पाडळी पंचक्रोशी तसेच इतर जिल्ह्यातील लाखो भाविक श्रीं च्या दर्शनासाठी गोळा होत असतात,यावेळी भक्त भाविक हार तुरे,गोंडे,नारळाची तोरणे व नोटांच्या माळा श्री चरणी अर्पण करत असतात.गावच्या पावक्ता (पादुका) या ठिकाण पासुन ही याञा  सायंकाळी ४ वाजता चालु होते व वाजत गाजत हे निशान राञी ८.३० वाजता ग्रामदैवत श्री भैरवनाथ मंदीर येथे पोचते.त्यानंतर राञी ९.३० वाजता गावातील मुख्य चौकात “व्हण” या पारंपरिक ठिकाणी निशाण छबिन्या साठी उभे राहते.राञभर चालणार्या या छबिन्यात भक्त भाविक व गावकरी लोक श्रींना नारळ तोरणे,नोटांच्या माळा भक्तिभावाने अर्पण करतात.श्रद्धेने नवस बोलले जातात व फेडले जातात.राञभर हा छबिना पार पाडल्या नंतर पहाटे ५ वाजता हे निशान श्री जोतिबा मंदीराकडे प्रस्थान करते.सकाळी ८ वाजेपर्यंत हे निशान जोतिबा मंदीर येथे पोचते त्यानंतर आरती होवुन या दिवसाचा कार्यक्रम संपतो.या नंतर पाच दिवस सकाळ – संध्याकाळी श्रींची आरती होते.पाचव्या दिवशी पाकाळणी (प्रक्शालनाचा) कार्यक्रम असतो.या दिवशी ही भाविक वा देवासेवक विधीत स्वरूपात श्रीनाथांच्या चरणी आपली सेवा अर्पण करतात.राञी ८.३० वाजता महाआरती होते.राञी १० वाजता पाखाळणीचा मुख्य कार्यक्रम चालु होतो यात निशानाला घातलेला पोशाख उतरवला जातो .याञेचा सर्व जमाखर्च जाहीर केला जातो .

  लेखन – भुषण ढाणे,पाडळी ( सातारा )