०९.३० वाजता तोफेची सलामी नंतर देवीचा रथ नगरप्रदक्षिणासाठी बाहेर पडतो.रथाला जिथे भाविक विनंती करतात तिथे रथ थांबून भाविकांची आरती स्विकारली जाते.पुढे गुजरी चौकामध्ये भव्य आतषबाजी करण्यात येते.रथ नगारखाना ओलांडून भवानी मंडपाकडे येतो. यावेळीचे दुश्य हे खूप सुंदर असते.करवीर भूमीमध्ये आईसाहेब आपल्या भक्तांच्या भेटीसाठी येत असते.पुढे रथ भवानी मंडपाच्या चौकामध्ये येतो.श्रीमान महाराज छत्रपतींचा चोपदार महाराजांच्या नावाची ललकारी देतो पाठोपाठ हुजूरस्वारीच आगमन होतं.महाराज देवीचं पंचोपचार पूजन करतात आरती होते,आणि पुन्हा ललकारी होऊन रथ मार्गस्थ होतो.पुढे रथ म.ल.ग हायस्कूल – बालगोपाल तालिम – मिरजकर तिकटी मार्गे नूतन मराठी शाळेसमोर येतो.पाठकांच्या घरासमोर रथ येताच चोपदार व रोषणनाईक रथावरुन उतरतात आणि रंकोबाच्या देवळात जातात.श्री  रंकभैरव अर्थात कोल्हापूर चा कोतवाल जणू अंबाबाई च्या निरोपाचीच वाट बघत सदरेवर बसलेला असतो.महालक्ष्मी च्या चोपदारांनी ललकारी देताच रंकोबा आपल्या देवळात जातो.पुन्हा दर्शन करून हा लवाजमा बिनखांबी गणपती कडे जातो तिथही अशीच पंचोपचार पूजा ललकारी होऊन चोपदार रथावर येतात.