मंदिराच्या प्रवेशद्वाराच्या उजव्या बाजूस आपल्याला एक स्मारक दिसून येते. 1857 च्या बंडामध्ये शहिद क्रांतीवीर फिरंगोजी शिंदे यांनी खुप योगदान दिले त्याबद्दल गिरगाव ग्रामपंचायत च्या वतीने 2009 साली हे स्मारक बांधण्यात आले आहे. मंदिरामध्ये प्रवेश करताना खूप साऱ्या घंटा आपल्याला दिसतात.या मंदिराचा मुख्य गाभारा न हलवता जीर्णोद्धार केला गेला आहे. गाभाऱ्यामध्ये श्री भैरवनाथ व श्री जोगेश्वरी देवीचा तांदळा आहे. यात तांदळ्या वर मुखवट्याची सुंदर अशी पूजा बांधण्यात येते. डाव्या बाजूस श्री भैरवनाथाची मूर्ती आहे व उजव्या बाजूस श्री जोगेश्वरी देवीची मूर्ती आहे.व दोन्ही मूर्तीच्या खाली आपल्याला श्रीं ची उत्सव मूर्ती दिसून येते. येथील एक वैशिष्ट्य म्हणजे  करवीर ची दक्षिण द्वारदेवता आई कात्यायानी देवी ही भैरवनाथाची बहिण आहे. दरवर्षी येथुन नवरात्र उत्सवात श्री कात्यायनी देविस साडी अर्पण केली जाते.असे तेथील पुजाऱ्यांनी सांगितले. भैरवनाथ मंदिराच्या समोर श्री विठ्ठल-रुक्मिणीचे मंदिर आहे.